' A VAVOSA

‘A VAVOSA

A vavosa è cumm’a

‘na maruzza senza guscio

e sulo a vedè ‘ngppa ‘nzalata

st’animale curnuto e muscio

ca’ quanno cammina

va crianno ca’ bava ‘nu struscio,

 te passa ‘a voglia ‘e cundì ‘a ‘nzalata

e te circhi n’ata purtata.

Ma ‘na cosa ara sape’.

‘A  vavosa è nata dint’à n’ uorto

senza cose chimiche o diossina,

o  scareche ‘e munnezza

chiene ‘e sustanze velenose

cu’ tutt’e diserbanti ogne  matina.

Pirciò nun fa ‘a schizzinosa

quanno vaje ‘o mercato.

addò’  ‘nge sta a vavosa

vuol dire sulamente ca è genuina

e t’ha può  magnà sera e matino.

Catello Nastro