QUANN’O SOLE COCE

Quann’o sole coce

‘o mese r’austo,

nunn’abbasta

‘o  vevere e sciuscià,

e nun riesce ‘nu pucurillo

‘o spirito vullente

manco c’a’  forza

a te puté  calmà…

Coce ‘o sole,

cu’ ‘e titte  re’ case

cu’ l’irmece cucente

ca’ ‘nge putisse cocere

‘ngopp’à creta pure ‘na pizza

ca’ mozzarella ‘ngoppa.

Pure ‘e femmene vullente

coceno ‘o mese r’austo,

e abbasta ‘nu surriso o

‘na semplice vuardata,

ca’ ‘o sango volle

e t’ha facisse ‘na ‘nguacchiata.

Ce pienze e ce repienze

cchiù ‘e trenta vote,

ma ‘o cavere è troppo,

e te passa pure ‘a voglia ‘e scupà…

Catello Nastro

Da Agropolicultura.blogspot.com