' ciungo e 'o cicato

‘O CIUNGO E ‘O CICATO

Dint’à ‘nu palazzo viecchio

d’o quartiere Sanità,

rint’à dduje vasce,

quase porta a porta,

campavano, pe’ modo e ricere,

‘nu povere ciungo

‘ngoppa ‘a carrozzella

e ‘nu cecato

ca’ senteve sulo ‘o calore

d’o sole quann’asceva.

Quase pazzianno

‘ngoppa ‘a propeta malatia,

penzarono ‘e fa ‘na suggità.

‘O ciungo ‘ngoppa ‘a carrozzella

vereva a via addò avevano passà,

mentre o cecato, vuttanno ‘a carrozzella,

‘nziemo a isso poteva camminà.

Ma fu ‘nu juorno stuorto,

ca’ nu tranviere ‘mbriaco nunn’è verette,

ca’ ‘a vita e chisti dduje disgraziate

tristemente fernette.

Quann’arrivarono ‘ngopp’a ‘o Paraviso,

d’e nate sfortunate ‘ngopp’à terra,

San Pietro, ‘o maste ‘e festa,

nunn’è vulette saparà.

Mo’, ogne sera, ‘ngopp’a ‘na nuvola janca,

 ‘o cecato,  ca votta ‘a carrozzella,

e ‘o  ciungo ca’ vere ‘a via,

se ne vanno serenamente a passià.

Catello Nastro

TRADUZIONE

E’ la storia tra un paralitico inchiodato su una sedia a rotelle ed un cieco. Un bel giorno decidono di fare la società. Il cieco spinge la carrozzella dell’infermo e l’infermo indica la strada da fare al non vedente. Il loro handicap viene eliminato da una società basata sul contatto umano, lo spirito i dedizione e lo scambio delle proprie forze. E’ un messaggio di solidarietà al di fuori e sopra ogni concetto di parte che dovrebbe far riflettere molto sulla parola “solidarietà”.

Catello Nastro